Սիոնիստ ռազմական վերլուծաբան. Մեր բանակն անօգնական է, ամենուր թունելներ են
Իսրայելցի ռազմական վերլուծաբան Ավի Աշքենազին անդրադարձել է Գազայում Դիմադրության թունելները հայտնաբերելու գործում իսրայելական բանակի առջև ծառացած բարդ մարտահրավերներին։
Նա այդ գործողությունները նմանեցրել է «գդալով ծովը դատարկելու փորձի»: Փորձագետն ասել է. «Գազայում տասնյակ հազարավոր թունելներ չեն հայտնաբերվել, և որ ուղղությամբ էլ որ քայլեք, այնտեղ թունելներ կան»:
Աշքենազին նշել է, որ ՀԱՄԱՍ-ը պահպանել է իր մարտունակությունը՝ չնայած զանգվածային հարձակումներին, և հարյուրավոր գրոհայինների թունելներով տեղափոխել է առանցքային շրջաններ։
Նրա խոսքով՝ ՀԱՄԱՍ-ի գրոհայինները դուրս են գալիս թունելներից, կրակ բացում և նորից թաքնվում, ինչը պահանջում է իսրայելական ուժերի մշտական զգոնություն, բայց հարց է՝ կարո՞ղ են այդ ուժերը միշտ արթուն և պատրաստ լինել։
Վերլուծաբանն անդրադարձել է նաև իսրայելական բանակի ուժերի և խնդիրների վերլուծությանը` ասելով. «Ավելի շատ ուժերի մուտքը մարտի դաշտ վտանգավոր է, քանի որ, բացի պաղեստինցի մարտիկների հարձակումների ավելացումից, վտանգված է նաև բանտարկյալների կյանքը»:
Իսրայելի բանակի ռադիոն հայտնել է, որ Ռաֆահի շրջանում կա միայն մեկ պահեստային բրիգադ, որի ուժերի միայն 60%-ն է հերթապահում։
Իսրայելական «Կան» ցանցը հաղորդել է, որ ռեժիմի բանակը կադրերի սղության խնդիր ունի, ինչն արդարացնում է լայնածավալ ռազմական գործողությունների ձգձգումը։