Թուրքիայի դիրքորոշումը քրդերի նկատմամբ խանգարում է սիրիական կարգավորմանը. WSJ
Ամերիկյան իշխանությունները կարծում են, որ քրդերի նկատմամբ Թուրքիայի դիրքորոշումը սիրիական համակարտության քաղաքական կարգավորման և ԻՊ-ի դեմ պայքարի հաջողության հիմնական խոչընդոտներից է, գրում է The Wall Street Journal-ը:
«Ամերիկյան պաշտոնյաների խոսքերով Թուրքիայի թշնամական վերաբերմունքը Սիրիայի քրդերի նկատմամբ, որոնք «Իսլամական պետություն» ահաբեկչական խմբավորման դեմ պայքարում ԱՄՆ-ի ամենաարդյունավետ դաշնակիցն են, խանգարում է վերջինիս դեմ առավել ինտենսիվ գործողությունների իրականացմանը», - գրում է թերթը:
Վերջինիս փոխանցմամբ՝ Թուրքիան մշտապես հավաստիացնում է ամերիկյան իշխանություններին, որ սիրիացի քրդերն ԱՄՆ-ից ստացված զենքը փոխանցում են Քրդստանի աշխատավորական կուսակցության գրոհայիններին։ Վաշինգտոնում սակայն պնդում են, որ այդ հավաստիացումները անհիմն են:
armedia.am
8/2/2016
