ԱՄՆ-ն ու Ֆրանսիան հակառակեցին Ռուսաստանի ներկայացրած բանաձևին

ԱՄՆ-ն ու Ֆրանսիան հակառակեցին Սիրիայի հարցով Ռուսաստանի կողմից ՄԱԿ-ի Անվտանգության խորհրդին ներկայացված բանաձևին:

Ռուսաստանն այս բանաձևում պահանջել էր հարգել Սիրիայի ազգային ինքնիշխանության իրավունքն ու դատապարտել այդ երկրի տարածքի դեմ ցանկացած ոտնձգություն:

ԱՄՆ-ի ու Ֆրանսիայի ներկայացուցիչներն Անվտանգության խորհրդի նիստից առաջ հայտարարեցին, որ Ռուսաստանի ներկայացրած բանաձևը որևէ արդյունք չի ունենալու:

Միևնույն ժամանակ ԱՄՆ պետքարտուղարն ասել է, որ Սիրիայում հրադադար հաստատելու համար շատ աշխատանք պիտի տանել:

Մյունխենում անվտանգության նստաշրջանին առընթեր կայացած համաձայնությամբ որոշված էր ուրբաթ օրվանից հրադադար հաստատվեր Սիրիայում: