Սիրիայի ԱԳ փոխնախարարն արձագանքեց Սիրիայի հյուսիսում քրդերի ընտրություններին
Սիրիայի ԱԳ փոխնախարարը երկրի հյուսիսում քրդերի կողմից ցանկացած ընտրության կազմակերպումն անտրամաբանական համարեց:
«Ռոյտերզ»-ի կիրակի օրը կատարած հաղորդման համաձայն, Սիրիայի ԱԳ փոխնախարար Ֆեյսալ Մեղդադը լրագրողների հետ ճեպազրույցում ընդգծեց. «Սիրիան թույլ չի տա իր տարածքի որևէ հատվածի անջատումը»:
«Տարածքի անջատումը Սիրիայի տարածքային ամբողջականության հետ առնչվող խնդիր է և չի կարող բանակցության թեմա դառնալ»,-հայտարարել է Ֆեյսալ Մեղդադը ընդգծելով, որ նրանց ովքեր այս ուղղությամբ ջանք են գործադրում և խրախուսվում են որոշ երկրների ու ռեժիմների կողմից, Սիրիան հորդորում է հրաժարվել այդ մտքից:
Սիրիայի ԱԳ փոխնախարարն անդրադարձավ նաև երկրի որոշ տարածքներում ԱՄՆ- ի իրականացրած ավիահարվածներին և ասաց. «Այս հարձակումները չափազանց վտանգավոր են և Սիրիան դրանց կապակցությամբ չի լռելու»:
