Թուրքիան իր համաձայնությունն է տվել Գերմանիայի խորհրդարանի պատգամավորների Կոնիայի ավիաբազա այցելությանը
Թուրքիայի կառավարությունը ՆԱՏՕ-ի միջնորդությամբ համաձայնեց Գերմանիայի խորհրդարանի պատգամավորների Կոնիայում այդ երկրի զորայինների հաստատման վայր համարվող ավիաբազա այցելության հետ:
ԻՌՆԱ-ն չորեքշաբթի օրը հղում կատարելով «Հուրրիեթ» լրատվական կայքէջին հաղորդել է, որ Թուրքիայի կառավարությունը Գերմանիայի խորհրդարանի պատգամավորներին թույլատրելու է Կոնիայում գտնվող ՆԱՏՕ-ի ավիաբազայում հանդիպել այդ երկրի զորայինների հետ:
Գերմանիայի ԱԳ նախարարությունը մի նամակով տեղեկացրել է առաջիկա ամիս Կոնիայի ավիաբազա այցի թույլտվության մասին:
Հաղորդման համաձայն՝ Գերմանիայի ԱԳ նախարար Զիգմար Գաբրիելը Գերմանիայի խորհրդարանի պաշտպանական հանձնաժողովի նախագահին ուղղված նամակում գրել է, որ Թուրքիան իր համաձայնությունն է տվել սեպտեմբերի 8-ին Կոնիայի ավիաբազա այցելության կապակցությամբ ՆԱՏՕ-ի առաջարկին:
Վերջին վեց ամիսներին և հատկապես Թուրքիայում սահմանադրական բարեփոխումների հանրաքվեից հետո Թուրքիա-Գերմանիա հարաբերություններում լարվածությունը սրվել է և երկու երկրի պաշտոնատարները խիստ հայտարարություններ են արել միմյանց հասցեին: Թուրքիայի նախագահ Ռեջեբ Թայիբ Էրդողանը բազմիցս Գերմանիայի կառավարությանը մեղադրել է նացիզմը, ծայրահեղական ազգայնականությունը, օտարամերժությունն ու իսլամաֆոբիան հովանավորելու մեջ:
