Արաբիայի ԱԳ նախարարը կրկնել է Թրամփի հակաիրանական հայտարարությունները
Արաբիայի ԱԳ նախարարը պահանջել է ստուգումներ անցկացնել Իրանի միջուկային ու ռազմական կենտրոններում:
Իրանի ռադիո-հեռուստատեսության լրատվական գործակալության հաղորդման համաձայն՝ Լոնդոն ուղևորված Ադել Ալ-Ջոբայրը երեքշաբթի օրը պատասխանելով Chatham House հետազոտական կենտրոնի տնօրեն Ռոբին Նիբլեթի հարցումին, ողջունել է Իրանի կապակցությամբ ԱՄՆ նախագահ Դոնալդ Թրամփի դիրքորոշումները:
Արաբիայի ԱԳ նախարարն ասել է. «Սաուդյան Արաբիան պաշտպանում է Իրանի և ՀԳՀԾ-ի կապակցությամբ Դոնալդ Թրամփի կողմնորոշումը»:
«Միջուկային կարողության բնագավառում Իրանին կասեցնելը հանգեցնելու է Միջին Արևելքում միջուկային զենքերի տարածման կասեցմանը»,-հայտարարել է Արաբիայի ԱԳ նախարարը:
Սաուդյան Արաբիայի այս հայտարարությունը հնչում է այն պայմաններում, երբ Վաշինգտոնից Ռիադի գնած կործանարար զենքերն ու Սիոնիստական ռեժիմի միջուկային մարտագլխիկները Միջին Արևելքում անապահովության գլխավոր աղբյուրն են համարվում:
