Սիոնիստական ռեժիմը հրթիռային հարձակում է իրականացրել Դամասկոսի օդանավակայանի վրա

Սիրիայի հեռուստատեսությունը երեքշաբթի վաղ առավոտյան տեղեկացրել է Դամասկոսի միջազգային օդանավակայանի դեմ Սիոնիստական ռեժիմի հրթիռային հարձակման մասին:

Համաձայն Սիրիայի հեռուստատեսության հաղորդման, Սիոնիստական ռեժիմի ռազմական ինքնաթիռները երկուշաբթի գիշեր  հրթիռակոծել են Դամասկոսի օդանավակայանը:

Որոշ աղբյուրներ հաստատելով Դամասկոսի օդանավակայանի դեմ հրթիռային հարձակման մասին լուրը հաղորդել են, որ Սիրիայի հակաօդային պաշտպանության համակարգերը նախքան թիրախները հարվածելը ոչնչացրել են   հրթիռները:

Վերջին ամիսների ընթացքում Սիրիայի տարբեր տարածքներում ահաբեկչական-թաքֆիրական խմբերի կրած պարտությունից հետո այդ երկրի տարբեր տարածքներում Սիրիայի բանակի դիրքերի դեմ Սիոնիստական ռեժիմի հրետանային ու օդային հարձակումները խստացել են: