Բաշար Ասադ.«Սիրիայի բանակը ձախողեցնելու է ամերիկա-սիոնիստական նախագծերը»
Սիրիայի նախագահն ընդգծել է.«Սիրիայի բանակն այս երկրի ամուր վահանն է թշնամության ու չարիքի փոթորիկներին դիմակայելու համար, և մեկը մյուսի հետևից ձախողեցնելու է ամերիկա-սիոնիստական նախագծերը»:
Սիրիայի բանակի հիմնադրման 73-ամյակի առիթով այդ երկրում լույս տեսնող «Ջեյշ Ալ-Շաաբ» պարբերականին տված հարցազրույցում, Բաշար Ասադն ասել է.«Սիրիայի բանակը նպատակային ահաբեկչությանը և ահաբեկիչների տարածաշրջանային ու միջազգային հովանավորներին դիմակայելու հարցում մեծ ձեռքբերումներ ու հաղթանակներ է ունեցել»:
Ընդգծելով, որ այս հաղթանակները ձեռք են բերվել անցած յոթ տարիների ընթացքում, մեծ զոհողությունների շնորհիվ, Ասադը հստակեցրել է.«Այս զոհողությունների շնորհիվ այսօր խաղաղություն է տիրում Սիրիայի շատ շրջաններում, ներառյալ Հոմսում, Հալեպում, Դեյր Էլ Զորում , արևելյան Ղութայում ,արևմտյան Ղութայում և Բադիեում»:
Բաշար Ասադը նշել է.«Սիրիայի որոշ հատվածներ թաքֆիրական ահաբեկիչների վերահսկողության տակ անցնելը ամերիկա-սիոնիստական նախագծի մի մասն էր,որ Դիմադրության ուժերը խիզախորեն դիմակայեցին դրան»:
