Պուտինն զգուշացրել է աշխարհում ռազմավարական հավասարակշռության փոփոխմանն ուղղված ջանքերի կապակցությամբ
Ռուսաստանի Դաշնության նախագահ Վլադիմիր Պուտինն զգուշացրել է աշխարհում ռազմավարական հավասարակշռության փոփոխմանն ուղղված որոշ երկրների ջանքերի ու քայլերի կապակցությամբ:
Ռուսաստանի Հետախուզական գլխավոր վարչության (ՀԳՎ-GRU) 100-ամյա հոբելյանի առիթով հղած ուղերձում, զգուշացնելով աշխարհում լարվածությունների սրման ու բախումների տարածման և ռազմավարական հավասարակշռության փոփոխման նպատակով հրահրիչ քայլեր իրականացվելու կապակցությամբ, Վլադիմիր Պուտինը կարևորել է այդ իրավիճակին դիմակայելու հարցում Ռուսաստանի հետախուզական կազմակերպությունների դերը:
Պաշտպանելով Սիրիայի նկատմամբ Մոսկվայի դիրքորոշումը, Պուտինը բարձր է գնահատել Սիրիայում ահաբեկչության դեմ մղվող պատերազմում Ռուսաստանի հետախուզական կազմակերպությունների դերը: «Ռուսաստանի հետախուզական կառույցները որոշիչ դեր են ունեցել Սիրիայում ահաբեկիչներին կոտորելու և այդ երկրում խաղաղության վերականգնմանը նպաստելու հարցում». ընդգծել է Պուտինը:
Նա հավելել է.«Ահաբեկիչներն ու ծայրահեղականները, որոնք փորձում են շահարկել աշխարհում ընթացող հակամարտությունները, ջանքեր են գործադրել Սիրիայում խռովություններ առաջացնելու և բռնություններ հրահրելու ուղղությամբ, սակայն ձախողել են»:
Ռուսաստանը համոզված է, որ Սիրիայում տիրող լարվածության գլխավոր պատճառը ԱՄՆ-ն է, և այդ երկրի կողմից Սիրիայի օրինական կառավարության դեմ ավերիչ քայլեր իրականացնելու գծով ԻԼԻՊ-ին և մյուս ահաբեկչական խմավորումներին ցուցաբերվող աջակցությունը: