ԱՄՆ-ի միջամտությունը Եվրոպա-Ռուսաստան գազային համատեղ նախագծին
Գերմանիայում ԱՄՆ-ի դեսպանը կրկին Բեռլինին զգուշացրել է Nord Stream 2 գազատարի նախագծին մասնակից լինելու կապակցությամբ:
Շպիգել շաբաթաթերթի հաղորդման համաձայն, Բեռլինում ԱՄՆ-ի դեսպան Ռիչարդ Գրենելը, Nord Stream 2 գազային նախագծին մասնակից գերմանական ընկերություններին սպառնալի նամակ հղելով, հայտարարել է, որ այդ համագործակցությունը շարունակելու դեպքում, ԱՄՆ-ը պատժամիջոցներ կկիրառի նրանց դեմ:
Գերմանիայի արտգործնախարարությունը Գրենելի այդ քայլը դիվանագիտական օրենքներին դեմ է համարել:
Ավելի վաղ, ԱՄՆ-ի նախագահ Դոնալդ Թրամփը Գերմանիային Մոսկվայի «գերին» էր համարել՝ էներգիայի ապահովման ոլորտում Ռուսաստանից ունեցած կախվածության պատճառով և Բեռլինից պահանջել էր դադարեցնել Բալթիկ ծովում 11 միլիարդ դոլար արժողությամբ գազատարի կառուցման նախագծին իր մասնակցությունը:
Մի շարք եվրոպական ընկերություններ ընդառաջել են այդ նախագիծը, իսկ որոշ երկրներ, այդ թվում՝ Ուկրաինան, Լեհաստանը և բալթյան երկրները, ԱՄՆ-ի հետ միասին, ընդդիմացել են այդ նախագծին:
