Ռուսաստանը և Եվրամիությունը մտադիր են առանց դոլարի առևտուր իրականացնել
Ռուսաստանի ԱԳ նախարարի տեղակալը հայտարարել է.«Մոսկվան և Եվրամիության ղեկավարները ծրագիր են մշակում դոլարի փոխարեն եվրոյով իրականացնել առևտուրը»:
Նշելով, որ այդ երկիրը քննարկում է Եվրոպայի հետ առևտրում եվրո օգտագործելու հնարավորությունը, Ռուսաստանի ԱԳ նախարարի տեղակալ Ալեքսանդր Պանկինն ասել է.«Այս բանակցությունները տեղի են ունենում դոլարից կախվածությունը նվազեցնելու նպատակով»:
Ալեքսանդր Պանկինը հավելել է.«Հավանական է, որ 2019 թվականին մեկնարկի Ռուսաստանի ու Եվրամիության միջև եվրոյով առևտուրը»:
Մինչև 2014 թվականը, Ռուսաստանի ու Եվրամիության միջև առևտրափոխանակումների ծավալը հասնում էր 300 միլիարդ եվրոյի, բայց այդ թվականից Ուկրաինայի հետ լարվածության պատճառով, ԱՄՆ-ի ու Եվրոպայի կողմից Ռուսաստանի դեմ սահմանված պատժամիջոցների հետևանքով, Ռուսաստան-Եվրամիություն առևտրափոխանակումների ծավալը նվազեց:
Եվրամիությունը, 2014 թվականից ի վեր հետևելով ԱՄՆ-ի քաղաքականություններին, և Ռուսաստանին մեղադրելով Ուկրաինայի արևելյան շրջաններում ընթացող բախումներին միջամտելու մեջ, տնտեսական ու ֆինանսական պատժամիջոցներ է սահմանել Ռուսաստանի նկատմամբ, ինչին Մոսկվան հակադարձել է:
