Աշխարհի 60 երկրներ իրենց աջակցությունն են հայտնել Նիկոլաս Մադուրոյին
Աշխարհի 60 երկրների ներկայացուցիչներ, որպես ՄԱԿ-ի կանոնադրության պահպանման կողմնակիցների խումբ, Վենեսուելայի ԱԳ նախարար Խորխե Արեզզայի ներկայությամբ, նիստ են գումարել Նյու Յորքում գտնվող ՄԱԿ-ի կենտրոնակայանում:
Նիստին մասնակցել են 60 երկրների, այդ թվում՝ Իրանի, Ռուսաստանի, Չինաստանի, Պաղեստինի, Սիրիայի, Հարավաֆրիկյան Հանրապետության, Կուբայի, Ալժիրի, Հնդկաստանի, Ինդոնեզիայի, Ադրբեջանի, Հյուսիսային Կորեայի, Ղազախստանի, Պակիստանի ներկայացուցիչներն, ովքեր դատապարտել են ՄԱԿ-ի անդամ երկրների ներքին գործերին ցանկացած միջամտություն:
Վերջին շաբաթների ընթացքում, ԱՄՆ-ն, աջակցելով Վենեսուելայի ընդդիմության առաջնորդ Խուան Գուայդոյին, փորձում է այդ երկրում հեղաշրջում իրականացնել:
Աջակցելով ընդդիմադիրներին և պատժամիջոցներ սահմանելով Վենեսուելայի դեմ, ԱՄՆ-ն փորձում է իշխանությունից հեռացնել այդ երկրի օրինական իշխանությանը, որն ունի հակաամերիկյան ուղղվածություն:
