Ռուսաստանը Եվրոպայի հետ սահմաններին ամրապնդում է իր ռազմական ուժը
ՌԴ Պաշտպանության նախարարը, հակադարձելով այդ երկրի սահմանների մոտ ՆԱՏՕ-ի աճող ուժին, նշել է, որ Մոսկվան նույնպես ամրապնդելու է իր ուժը երկրի արևմտյան սահմաններում:
ՌԴ ՊՆ Սերգեյ Շոյգուն, նախարարության բարձրաստիճան պաշտոնյաների հետ հանդիպման ժամանակ հայտարարել է. «ՆԱՏՕ-ի զորավարժությունները կրկնապատկվել են և դաշինքի կողմից իրականացվող զորավարժություններին շատ հաճախ մասնակցում են այնպիսի երկրներ, ինչպես՝ Ուըկրաինան և Վրաստանը, որոնք ՆԱՏՕ-ի անդամ չեն»:
Շոյգուն հավելել է, որ ռազմավարական ծրագրերի շրջանակներում, Ռուսաստանի տարբեր շրջաններում, բանակի բոլոր զորամիավորների կարողությունները բարձրացնելուն ուղղված քայլեր են իրականացվելու և Մոսկվային է հանձնվելու թվով 1272 ծանր սպառազինություն:
ՌԴ Պաշտպանության նախարարը հայտարարել է, որ Մոսկվան նախապատրաստվում է ՌԴ- Բելառուս համատեղ զորավարժություններին,ինչպես նաև ՀԱՊԿ-ի զորավարություններին, որոնք տեղի են ունենալու այս տարի:
Նա հավաստիացրել է, որ ԱՄՆ-ն որպես գերտերություն, իր դիրքը չարաշահում է՝ միջազգային օրենքները խախտելու համար և փորձում է Եվրոպայում ընդունված զենքերի վերահսկման համակարգը փոփոխության ենթարկել հօգուտ իրեն:
2014 թվականից ՆԱՏՕ-ն իր ուժերը հաստատել է Լատվիայում, Լիտվայում, Էստոնիայում, Վրաստանում, Մոլդովայում և ՌԴ սահմանների մոտ:
