Վենեսուելան արտաքսում է ԱՄՆ-ի դիվանագետներին
Վենեսուելայի կառավարությունը 72 ժամ է տվել ամերիկացի դիվանագետներին՝ այդ երկրից հեռանալու համար:
Վենեսուելայի նախագահ Նիկոլաս Մադուրոն ԱՄՆ-ի նախագահ Դոնալդ Թրամփի կառավարությանը մեղադրել է կիբեր-ահաբեկչության մեջ, որի արդյունքում դադարել է Վենեսուելայի էլեկտրականության մատակարարումը:
Վենեսուելայի կառավարությունը հայտարարել է, որ ամերիկացի դիվանագետների ներկայությունը այդ երկրի տարածքում, սպառնալիք է խաղաղության, միասնության եւ կայունության համար:
Վենեսուելայի գլխավոր դատախազ Սաեբ Թարեղ Վիլյամը նույնպես Գերագույն դատարանին կոչ է արել ուսումնասիրել Վենեսուելայի ընդիմադիրների ղեկավար Խուան Գուայդոյի մասնակցությունը հոսանքազրկման գործաում:
Անցած մի քանի օրերի ընթացքում, հոսանքազրկումն ավելի է սրել Վենեսուելայում առկա խնդիրները:
Հունվարի 23-ից, Վաշինգտոնի բացահայտ աջակցությամբ, Գուայդոն ինքն իրեն Վենեսուելայի նախագահ է հռչակել:
