Բացահայտվել է Եվրոպայում ԱՄՆ-ի 150 մարտագլխիկների տեղակայումը
Մի խումբ գիտնականներ և հետազոտողներ, հրապարակել են զեկույց, որում հայտարարել են, որ ԱՄՆ ԶՈՒ-երը Եվրոպայում տեղակայել են 150 միջուկային մարտագլխիկներ:
Defence Blog ռազմական կայքը գրել է, որ «Ատոմային գիտության տեղեկագրի» տվյալների համաձայն, որ ԱՄՆ Պաշտպանության նախարարությունն իր զինանոցում ունի մոտավորապես 6185 ատոմային մարտագլխիկ:
Հաղորդումը հավելում է, որ ատոմային ռումբերից մոտ 50-ը, որոնք կազմում են Եվրոպայում տեղակայված ամերիկյան ռումբերի մեկ երրորդը, տեղակայված են Թուրքիայի Ինջերլիք ռազմաբազայում:
ՌԴ ԶՈՒ ԳՇ գլխավոր օպերատիվ կառավարման կենտրոնի առաջին տեղակալ Վիկտոր Պոզնիխիրը, նախորդ չորեքշաբթի օրը հայտարարել էր, որ ԱՄՆ-ն նպատակ ունի այդ երկրի սահմանների մոտ տեղակայել ՀՕՊ համակարգեր՝ Ռուսաստանի դեմ անականկալ ատոմային հարձակում իրականացնելու հնարավորություն ունենալու համար:
