ԱՄՆ-ը զինծառայողներ կգործուղի Սաուդյան Արաբիա
ԱՄՆ Պաշտպանության նախարարությունը տեղեկացրել է, որ նախագահ Դոնալդ Թրամփը համաձայությունն է տվել Սաուդյան Արաբիա զինծառայողներգործուղելու որոշմանը: Այս մասին հաղորդում է Sky News հեռուստաալիքը:
Ըստ հաղորդման՝ ԱՄՆ Պաշտպանության նախարար Մարկ Էսպերը շաբաթ օրը այդ երկրի բանակի գլխավոր շտաբի պետ Ջոզեֆ Դանֆորդի հետ համատեղ մամլո ասուլի ժամանակ ասել է.«ԱՄՆ նախագահ Դոնալդ Թրամփը համաձայնել է ամերիկացի զինծառայողներ գործուղել Սաուդյան Արաբիա՝ այդ երկիրը պաշտպանելու համար»:
Մարկ Էսպերը չի անդրադարձել զինծառայողների թվին, սակայն ասել է, որ այդ որոշման մեջ ներառված են նաև հակաօդային և հակահրթիռային պաշտպանության ուժերը:
Որոշումը կայացել է սեպտեմբերի 14-ին Եմենի Անսարալլահ ժողովրդական շարժման կողմից Արաբիայի նավթի վերամշակման գործարանների վրա իրականացված հարձակումից հետո:
Այդ հարձակումների հետևանքով, Սաուդյան Արաբիայի նավթի արդյունահանման ու արտահանման ծավալները կիսով չափ նվազել են:
ԱՄՆ-ը և նրա որոշ դաշնակիցներ առանց հավաստի փաստեր ներկայացնելու, Իրանին մեղադրել են այդ հարձակման մեջ: Իրանը հերքել է մեղադրանքը: Անսարալլահը ստանձնել է այդ հարձակման պատասխանատվությունը:
