Զանգվածային գործադուլները կաթվածահար են արել Ֆրանսիան
Ֆրանսիայում կենսաթոշակային բարեփոխումների դեմ ուղղված համընդհանուր գործադուլը շարունակվում է արդեն 16 օր:
Ֆրանսիայի կառավարությունը կենսաթոշակային բարեփոխումների վերաբերյալ խորհրդակցություններ է անցկացրել աշխատավորական արհմիությունների հետ, սակայն մինչ այժմ կողմերը ոչ մի արդյունքի չեն հասել և երկիրը փաստորեն կաթվածահար է եղել:
Ներկայումս Ֆրանսիայում աշխատում է երկաթուղային տրանսպորտի ընդամենը մի մասը:
Զանգվածային գործադուլը մեկնարկել է դեկտեմբերի 5-ին: Գործադուլի մասնակիցները բողոքում են կենսաթոշակային բարեփոխումների դեմ:
Ֆրանսիայում արդեն մեկ տարի շարունակ, ամեն շաբաթ զանգվածային ցույցեր են ընթանում: Ցուցարարները բողոքում են այդ երկրի կապիտալիստական կարգերի ու նախագահ Էմանուել Մակրոնի բարեփոխումների դեմ: