Էրդողանը հայտարարել Է, որ չի ճանաչում Ռուսաստանի հետ Ղրիմի վերամիավորումը

Սիրիայի հյուսիսային շրջանների հարցով Մոսկվայի և Անկարայի միջև լարվածությունը սրվելու ֆոնին, Թուրքիայի նախագահը հայտարարել Է, որ չի ճանաչում Ռուսաստանի հետ Ղրիմի վերամիավորումը:

Ռեջեբ Թայիբ Էրդողանն այս հայտարարությունն արել է Կիեւում Ուկրաինայի նախագահ Վլադիմիր Զելենսկու հետ մամլո համատեղ ասուլիսի ընթացքում:

Սիրիայի Իդլիբի վիճակն անկառավարելի բնութագրելով, Էրդողանը հայտարարել է, որ Ռուսաստանը անտեսում է ավելի քան մեկ միլիոն փախստականների հոսքը դեպի Թուրքիայի սահմաններ:

Առանց անդրադառնալու իր երկրի բանակայինների ապօրինի ներկայությանը Սիրիայի տարածքում, Թուրքիայի նախագահը հայտարարել է, որ երկուշաբթի օրը, Իդլիբում Սիրիայի բանակայինների հարձակումների հետևանքով, սպանվել է ութ մարդ, այդ թվում երեք խաղաղ բնակիչներ: