Անկարան ընդգծել է Սիրիայում Թուրքիայի ռազմական ներկայությունը շարունակվելու անհրաժեշտությունը
Թուրքիայի պաշտպանության նախարարն ասել է.«Սիրիայում թուրքական զորքերի ներկայությունը կշարունակվի»:
Հուլուսի Աքարը երեքշաբթի օրը Հյուսիսատլանտյան դաշինքի (ՆԱՏՕ) անդամ երկրների պաշտպանության նախարարների նիստին մասնակցելու նպատակով Բրյուսել մեկնելուց առաջ հայտարարել է.«Թուրքիայի զինծառայողներին կոչ է արվել հակադարձել Սիրիայի կողմից Թուրքիայի ռազմաբազաների դեմ իրականացվող ցանկացած հարձակման»:
Թուրքիայի պաշտպանության նախարարը նաև նշել է, որ այդ երկրի ռազմական ուժերը դուրս չեն գալու Սիրիայի Իդլիբ քաղաքից:
Հուլուսի Աքարը օրերս սպառնացել էր, որ եթե Սիրիայի կառավարությունը մինչև փետրվարի վերջը չնահանջի Թուրքիայի դիտակետերից, Անկարան Սիրիայի հյուսիսում մեկ այլ ռազմական գործողություն կիրականացնի:
Այդ հայտարարությունն արվել է այն դեպքում,երբ անցած օրերի ընթացքում թուրքական զորքը մտավ Իդլիբ, սիրիական ուժերը հրետանային հարձակման ենթարկեցին այդ նահանգում գտնվող Թուրքիայի զորայինների դիրքերը:
