Վլադիմիր Պուտինը Հյուսիսային Կորեայի առաջնորդին հատուկ մեդալ է շնորհել
ՌԴ նախագահ Վլադիմիր Պուտինը Հայրենական Մեծ պատերազմում հաղթանակի 75-րդ տարելիցի կապակցությամբ հոբելյանական մեդալ է հանձնել Կիմ Չեն Ընին: Այս մասին հայտնում են Հյուսիսային Կորեայում ՌԴ դեսպանությունից:
Նշվում է, որ Կիմ Չեն Ընը պարգևատրվել է իր երկրի տարածքում ընկած ու հանգչող խորհրդային զինվորների հիշատակը հավերժացնելու գործում ունեցած ներդրման, ինչպես նաև հուշակոթողները պահպանելու և դրանց նկատմամբ հոգատարության համար:
1945թ. նախկին ԽՍՀՄ բանակը Կորեական թերակղզին ազատագրեց Ճապոնիայի օկուպացիայից: Մարտերի ընթացքում զոհվեց 4700 ռուս զինծառայող, որոնցից 1375-ի աճյունները հողին հանձվեցին հյուսիսային Կորեայում:
Մեդալը Կիմ Չեն Ընին փոխանցել է Հյուսիսային Կորեայում ՌԴ դեսպան Ալեքսանդր Մաստասգուրան:
Հատկանշական է որ վերջին օրերին, արևմտյան մի շարք լրատվամիջոցներում շրջանառվում էին Կիմ Չեն Ընի մահվան վերաբերյալ լուրեր: Սական այս շաբաթ, մի քանի օր բացակայությունից հետո, Ընը հայտնվեց հանրության մեջ: