Վենեսուելայում հակակառավարական գործողության ձերբակալված մասնակիցների թիվն աճել է
Վենեսուելայում ձերբակալվել են Նիկոլաս Մադուրոյի դեմ դավադրություն կազմակերպած զինված խմբավորման ևս 11 անդամներ: Այսպիսով, ձերբակալվածների թիվը հասել է 40-ի:
Վենեսուելայի ծովուժի հրամանատար Ռեմիգո Քեբալլոսը Թվիթերում գրել է. «Կիրակի օրը ձերբակալվել են ահաբեկչական խմբավորման ևս 11 անդամներ»:
Մայիսի երեքին, Վենեսուելայի անվտանգության ուժերը ձերբակալել էին այս խմբավորման մի շարք անդամների, որոնցից երկուսև աշխատել են ամերիկյան SilverCorp USA կազմակերպության համար:
Կարակասը հայտարարել է, որ կառավարության դեմ ուղղված գործողությունը չեզոքացվել է, հավելելով, որ զինված խմբավորումը նպատակ է ունեցել առևանգել Նիկոլաս Մադուրոյին ու տեղափոխել ԱՄՆ:
Մադուրոն այս կապակցությամբ հայտարարել է, որ դավադրության հետևում կանգնած է ԱՄՆ-ի կողմից հովանավորվող Խուան Գուայդոն:
