Այսօր նշվում է Երեխաների հարկադիր աշխատանքի դեմ պայքարի համաշխարհային օրը
Երեխաների հարկադիր աշխատանքի դեմ պայքարի համաշխարհային օրը սահմանվել է Աշխատանքի միջազգային կազմակերպության կողմից եւ ամեն տարի նշվում է հունիսի 12-ին:
Օրացույցի մեջ նոր օրն անցկացնելու գաղափարը ծագել է 1997 թվականին Օսլոյում եւ Ամստերդամում անցկացված երեխաների աշխատանքի վատթարագույն ձեւերի դեմ պայքարի եւ երեխաների հարկադիր աշխատանքի հարցերով միջազգային համաժողովներից հետո, փոխանցում է Calend-ը:
Աշխատանքի Միջազգային կազմակերպությունն առաջին անգամ Երեխաների հարկադիր աշխատանքի դեմ պայքարի համաշխարհային օրն անցկացրել է 2002 թվականին: Օրվա նպատակն է ուշադրություն հրավիրել այդ խնդրին եւ դրա վերացման համար միջոցներ ձեռնարկել:
Ամեն տարի հունիսի 12-ին ամբողջ աշխարհում կառավարությունները, գործատուներն ու աշխատակիցները, քաղաքացիական հանրության ներկայացուցիչները, ինչպես նաեւ միլիոնավոր մարդիկ իրենց ջանքերը միավորում են երեխաների հարկադիր աշխատանքի դեմ պայքարի գործում:
News.am
