Սեյսմիկ աղմուկի ռեկորդային ցուցանիշ է գրանցվել

2020 թվականի մարտից մինչեւ մայիսը Երկրի արհեստական թրթռումների մակարդակն ընկել է 50 տոկոսով: Սա սեյսմիկ հանգստի ամենաերկար ժամանակահատվածն է ուսումնասիրություններից սկզբից ի վեր, հայտնում է ՌԳ-ն՝ վկայակոչելով Science-ը:

Սեյսմոլոգ Թոմաս Լեքոկի գլխավորությամբ գիտնականների խումբը տվյալներ է հավաքել 268 սեյսմոգրաֆներից: Ակտիվության անկում է գրանցվել 268 սարքից 185-ը, ընդ որում՝ խիտ բնակեցված տարածքներից: «Մենք աղմուկի մակարդակի գլոբալ անկում ենք նկատել, որը դրսեւորվել էր Չինաստանում 2020-ի հունվարի վերջին, այնուհետեւ՝ Եվրոպայում եւ աշխարհի մնացած մասերում 2020 թվականի մարտից մինչեւ ապրիլ: Աղմուկի մակարդակը, որը մենք նկատում ենք զանգվածային կարանտինի ընթացքում, ավելի հանգիստ էր, քան Սուրբ Ծննդյան եւ Ամանորի ընթացքում»,- նշվում է հոդվածում:

Հեղինակները նկատի ունեն այսպես կոչված արհեստական ​​սեյսմիկ աղմուկը. Էքսկավատորների կամ թռիչքուղու վրա վայրէջք կատարող ինքնաթիռների ձայնը, թրթռումները մետրոյում գնացքի մոտենալու ժամանակ, գրունտի հորատման ձայները եւ այլն։

Գիտնականները գրանցում են բոլոր թրթռումները եւ վերլուծում են դրանց ծագումը: Արհեստական ​​սեյսմիկ աղտոտման նվազեցումն ուսումնասիրությունների ընթացքում առաջին անգամ կրկնակի անգամ կրճատվել է։

«Մեր հետազոտությունը ցույց է տալիս, թե ինչպես է մարդկային գործունեությունն ազդում երկրի ընդերքի եւ մակերեսի վրա»,- նշել է աշխատության համահեղինակ Ստեֆան Հիքսը:

Հայերեն ռադիոալիքին հետևեք սոցցանցերում

https://www.instagram.com/parstodayarmenian/
https://twitter.com/radio_armenian
https://www.reddit.com/user/armradio/
https://urmedium.com/c/armenianradio