ԱՄՆ-ի Պորտլենդ քաղաքում, ցուցարարները պահանջում են քաղաքապետի հրաժարականը
ԱՄՆ-ի Օրեգոն նահանգի Պորտլենդ քաղաքի ցուցարարները պահանջում են քաղաքապետ Թեդ Ուիլերի հրաժարականը:
Patriot Daily Press կայքը ցուցարարներին ահաբեկիչ անվանելով գրել է.«Երկուշաբթի առավոտյան մի խումբ ցուցարարներ հարձակվել են Պորտլենդի քաղաքապետարանի վրա, կոտրել պատուհանները և հրկիզել շենքի մի մասը»:
Երկուշաբթի երեկոյան, 95-րդ անընդմեջ գիշերը, Օրեգոն նահանգի Պորտլենդ քաղաքում տեղի են ունեցել բողոքի ցույցեր:
Ականատեսների վկայությամբ՝ երեկ Պորտլենդի քաղաքապետի ծննդյան տարեդարձն էր և բողոքարարները հրկիզելով քաղաքապետարանը և հանրահավաք կազմելով նրա բնակարանի առջև, այդպես նշել են նրա ծննդյան տարեդարձը:
Ավելի վաղ, Օրեգոնի նահանգապետ Քեյթ Բրաունն ասել էր.«Պորտլենդ քաղաքում ռասիսզմի դեմ բողոքողների և նախագահի կողմնակիցների միջև բախումները սրվելու դեպքում, կդիմենք նահանգային ոստիկանության օգնությանը»:
Շաբաթ երեկոյան Պորտլենդում ԱՄՆ նախագահ Դոնալդ Թրամփի մի խումբ աջակիցներ, իրենց ավտոմեքենաներով հանրահավաք են անցկացրել ի պաշտպանություն Թրամփի, և կարճ ժամանակ անց ընդհանրվել են հակառասիստական ցույցերի մասնակիցների հետ: Հանրահավաքից հետո, լրատվամիջոցները հաղորդել են քաղաքում տեղի ունեցած հրաձգության հետևանքով մեկ հոգու սպանվելու մասին: