Հայտնի են Լեռնային Ղարաբաղում ռուս խաղաղապահների ներկայության պայմանները
Մոսկվան հրապարակել է Լեռնային Ղարաբաղի տարածաշրջանում ռուս խաղաղապահների ներկայության պայմանների վերաբերյալ Ռուսաստանի և Ադրբեջանի նախագահներ Վլադիմիր Պուտինի, Իլհամ Ալիևի և ՀՀ վարչապետ Նիկոլ Փաշինյանի համատեղ հայտարարության տեքստը:
Երեքշաբթի երեկոյան Կրեմլի պաշտոնական կայքում տեղադրված համատեղ հայտարարության մեջ ասված է, որ Լեռնային Ղարաբաղում տեղակայվելու են միայն ռուս խաղաղապահներ:
Հայտարարության մեջ նշվում է, որ ռուս խաղաղապահները տեղակայվելու են հինգ տարի ժամկետով և անհրաժեշտության դեպքում, նրանց ներկայության մասին համաձայնագիրն ավտոմատ կերպով երկարաձգվելու է ևս հօնգ տարով:
Ըստ ՌԴ-ի ու Ադրբեջանի հետ Հայաստանի վերջերս կայացած համաձայնության՝ Լեռնային Ղարաբաղի շփման գծի և Լաչինի միջանցքի երկայնքով տեղակայվում է Ռուսաստանի Դաշնության խաղաղապահ զորախումբ՝ 1960 զինծառայող կրակային զենքով, 90 զրահամեքենա, 380 միավոր մեքենա և հատուկ տեխնիկա: