Թուրքիայի խորհրդարանը արձագանքել է Լեռնային Ղարաբաղի վերաբերյալ Ֆրանսիայի Սենատի ընդունած բանաձևին
Թուրքիայի խորհրդարանը խստորեն դատապարտել է Լեռնային Ղարաբաղի Հանրապետությունը ճանաչելու վերաբերյալ Ֆրանսիայի Սենատի ընդունած բանաձևը:
TRT գործակալության հաղորդմամբ, Մուստաֆա Շենտոպը հայտարարել է. «Խորհրդարանը, որը Լեռնային Ղարաբաղը որպես երկիր է ճանաչում այն դեպքում, , երբ նույնիսկ Հայաստանը դա չի արել, կարող է գոյություն ունենալ միայն ֆրանսիական դիցաբանության մեջ»:
Թուրքիայի խորհրդարանի խոսնակը հայտարարել է, որ միջազգային ասպարեզում Ֆրանսիայի կառավարության անարդյունավետությունն աճել է՝ համաշխարհային իրողություններից հեռու դիրքորոշումների պատճառով, և Ֆրանսիայի խորհրդարանը կորցրել է իր որակը:
«Փարիզի այս որոշումը ևս մեկ անգամ ցույց է տալիս, որ Ֆրանսիան Լեռնային Ղարաբաղի խնդրի մի մասն է, այլ ոչ թե դրա լուծումը», - հայտարարել էէ Թուրքիայի պաշտպանության նախարար Հալուսի Աքարը:
Ֆրանսիայի Սենատը դեկտեմբերի 3-ին օրինագիծ ընդունեց, որում ընդգխծվում է Լեռնային Ղարաբաղի ճանաչման և վերջերս Հայաստանի, Ադրբեջանի Հանրապետության և Ռուսաստանի միջև ստորագրված համաձայնության չեղարկման անհրաժեշտությունը:
