Մահացել է Եղիսաբեթ 2-րդ թագուհու ամուսինը

Եղիսաբեթ Երկրորդ թագուհու ամուսինը ՝ արքայազն Ֆիլիպը, մահացել է: Այս մասին նշվում է թագավորական ընտանիքի պաշտոնական էջում։

Մահվան ժամանակ էդինբուրգի դուքսը եղել է Ուինձորի ամրոցում։

Նշենք, որ արքայազն Ֆիլիպը 99 տարեկան էր, հունիսի 10-ին նա կդառնար 100 տարեկան։

Ֆիլիպն ամուսնացել էր արքայադուստր Եղիսաբեթի հետ 1947 թվականին:

Զույգն ուներ չորս երեխա, 8 թոռ և 10 ծոռ:

Արքայադստեր հետ ամուսնության նախօրեին Ֆիլիպը ստացել է Էդինբուրգյան դուքս տիտղոսը։