Կանադայում ռեկորդային շոգը տասնյակ մարդկանց մահվան պատճառ է դարձել

Կանադայում տասնյակ մարդիկ են մահացել ռեկորդային շոգի պատճառով: Այսպիսով, Բրիտանական Կոլումբիա նահանգում երկու օրվա ընթացքում գրանցվել է հանկարծակի մահվան շուրջ 70 դեպք, հաղորդում է BBC-ն:

Երկրում այս շաբաթ գրանցվել է ռեկորդային 49.5C ջերմաստիճան: Մինչ այս շաբաթ Կանադայում ջերմաստիճանը երբեք չի գերազանցել 45 աստիճանը:

Լիտտոն գյուղի բնակիչներից մեկը լրագրողներին պատմել է, որ «գրեթե անհնար է» դուրս գալ փողոց:

«Մենք փորձում ենք հնարավորինս ներսում մնալ: Ես նկատի ունեմ, որ մենք սովոր ենք ջերմության, և դա չոր ջերմություն է, բայց 30 աստիճանը շատ է տարբերվում 47-ից», - ասել է նա:

Մոտակա Բուռնաբի քաղաքում ոստիկանությունը հայտնել է, որ արձագանքել է 25 հանկարծակի մահվան դեպքերին՝ ավելացնելով, որ շատերը տարեցներ են:

«Ենթադրվում է, որ շոգը մահվան դեպքերի մեծ մասի նպաստող գործոն է», - ասված է գործակալության հայտարարության մեջ:

aysor.am/am/news