Վլադիմիր Ջաբարովը ամփոփել է Նիկոլ Փաշինյանի և Վլադիմիր Պուտինի հանդիպման արդյունքները
ՌԴ Դաշնային խորհրդի միջազգային գործերի կոմիտեի նախագահի առաջին տեղակալ Վլադիմիր Ջաբարովը խիստ կարևորել է ՀՀ վարչապետի պաշտոնակատար Նիկոլ Փաշինյանի այն քայլը, որ նա արտահերթ խորհրդարանական ընտրություններում վերընտրվելուց հետո իր առաջին այցը կատարել է հենց Մոսկվա:
Ինչպես տեղեկացնում է «Արմենպրես»-ը, Մոսկվա-Երևան հեռուստակամրջի ժամանակ Ջաբարովը Նիկոլ Փաշինյանի քայլը անվանել է «բարի նշան»:
Նա նշել է, որ կողմերը քննարկել են աշխատանքային հարցեր, իրավիճակը տարածաշրջանում, Ղարաբաղը, խաղաղապահ առաքելությունը և այլն:
Ջաբարովի կարծիքով` նախկին խորհրդային երկրները (Ադրբեջանը և Հայաստանը) վաղ թե ուշ պետք է կարգավորեն հարաբերությունները և սկսեն պայմանավորվել, վերականգնել երկրները այդ ցնցումներից հետո, իսկ ռուս խաղաղապահների ներկայությունը երաշխիք է ապագայում հնարավոր արյունահեղություններից խուսափելու համար:
Ջաբարովն ընդգծել է, որ հայ-ադրբեջանական սահմանին ռուս սահմանապահների տեղակայումը կիրականացվի երկու երկրների՝ Հայաստանի եւ Ադրբեջանի համաձայնությամբ, և ցանկացած սադրանք կկասեցվի:
Ինչ վերաբերում է Ադրբեջանի տարածքում ռազմաբազա ստեղծելու մասին Թուրքիայի նախագահ Ռեջեփ Էրդողանի հայտարարություններին, Ջաբարովը նշել է, որ Ռուսաստանը շատ բացասական է գնահատում դա՝ հավելելով, որ Մոսկվան հնարավորություն ունի ճնշում գործադրել Թուրքիայի վրա, իսկ Թուրքիային հակառակորդ պետք չէ ի դեմս Ռուսաստանի:
Նա նաև հիշեցրել է, որ Թուրքիան երբեք չի եղել Ռուսաստանի դաշնակիցը՝ ընդգծելով, որ Թուրքիայի աշխարհաքաղաքական շահերը միշտ չէ, որ համընկնում են Կովկասում Ռուսաստանի և նրա դաշնակիցների շահերի հետ:
Խոսելով հայ գերիների վերադարձի խնդրի մասին՝ ռուս քաղաքական գործիչը նշել է, որ Ադրբեջանն արհեստականորեն ձերբակալում է հայ ռազմագերիներին՝ նրանց ներկայացնելով որպես հանցագործներ:
Նա վստահեցրել է, որ Ռուսաստանի ղեկավարությունը բոլոր ջանքերը գործադրում է այդ խնդրի լուծման համար:
Հայերեն ռադիոալիքին հետևեք սոցցանցերում
https://www.instagram.com/parstodayarmenian/
https://twitter.com/radio_armenian
https://www.reddit.com/user/armradio/
https://urmedium.com/c/armenianradio
