Ռուսաստանին մտահոգում է ԱՄՆ զորքերի Կենտրոնական Ասիա տեղափոխվելու հարցը
Ռուսաստանի փոխարտգործնախարարը նախազգուշացրել է Միացյալ Նահանգներին ՝ Աֆղանստանից Կենտրոնական Ասիա զորքերը տեղափոխելու կապակցությամբ:
Երեքշաբթի օրը Ռուսաստանի փոխարտգործնախարար Սերգեյ Ռյաբկովը ԱՄՆ-ին նախազգուշացրել է՝ իր զորքերը Աֆղանստանից Կենտրոնական Ասիա տեղափոխելու կապակցությամբ, հայտարարելով, որ Ռուսաստանի համար նման քայլն անընդունելի է և դա կփոխի Մոսկվայի մոտեցումը Վաշինգտոնի նկատմամբ:
Ավելի վաղ, Ռուսաստանի արտգործնախարար Սերգեյ Լավրովը հայտարարել էր, որ Կենտրոնական Ասիայի տարածաշրջանում ռազմաբազա հիմնելու ԱՄՆ ջանքերը չեն կարող ապահովել այս տարածաշրջանի անվտանգությունը:
Լավրովն ասել է. «Հավաքական անվտանգության պայմանագրի կազմակերպության (ՀԱՊԿ) անդամ պետություններում ԱՄՆ ռազմական բազաների ստեղծումը, պահանջում է կազմակերպության հաստատումը: Նշենք, որ ՀԱՊԿ-ի մշտական անդամներն են Ռուսաստանը, Տաջիկստանը, Հայաստանը,Բելառուսը, Ղազախստանն ու Ղրղզստանը, իսկ դիտորդ անդամներն են Աֆղանստանն ու Սերբիան:
ԱՄՆ-ն մի քանի անգամ իր տված խոստումին հակառակ քայլ անելուց հետո, պատրաստվում է մինչև 2021 թվականի սեպտեմբեր ամիսն իր զորքերը դուրս բերել Աֆղանստանից:
