Կրեմլում մեկնաբանել են հայ-ադրբեջանական սահմանին իրավիճակի սրացումը․ Պեսկով

Կրեմլում տեղյակ են հայ-ադրբեջանական սահմանին իրավիճակի սրման մասին, հայտնել է Ռուսաստանի նախագահի մամուլի քարտուղար Դմիտրի Պեսկովը, հայտնում է ՌԻԱ-ն:

Նա ընդգծել է, որ ռուս ներկայացուցիչները մեծ ջանքեր են գործադրել հրադադարի ռեժիմը վերականգնելու համար։

«Աշխատանքները շարունակվում են»,- հավելել է պաշտոնյան:

Բացի այդ, նրա խոսքով, Ռուսաստանը համագործակցում է Երեւանի եւ Բաքվի հետ եռակողմ պայմանավորվածությունների իրականացման ուղղությամբ։

Հարցին, թե արդյոք Մոսկվան պատրաստ է կատարել Հայաստանի վարչապետի պաշտոնակատար Նիկոլ Փաշինյանի խնդրանքը՝ Ադրբեջանի հետ սահմանին ռուս սահմանապահներ տեղակայելու վերաբերյալ, Պեսկովը պատասխանել է, որ շփումները շարունակվում են: Հետագա մեկնաբանություններից նա հրաժարվել է։