Լավրով. Արևմտյան երկրները բազմիցս ապացուցել են իրենց անվստահելիությունը
Անդրադառնալով Սիրիայի տարածքային ամբողջականության պահպանման գործում Ռուսաստանի դերին, այդ երկրի արտգործնախարարը անդրադարձել է արևմտյան երկրների խոստմնադրժություններին , ինչպես նաև Ռուսաստանում կայանալիք խորհրդարանական ընտրությունների գործընթացի վրա ազդելու նրանց կողմից գործադրվող մեծ ջանքերին:
Սերգեյ Լավրովը երկուշաբթի օրն այդ մասին ասել է.«Մենք ապահովել ենք անհրաժեշտ պայմաններ Սիրիայում քաղաքական կյանքի բնականոն գործընթացի և միջսիրիական բանակցությունների համար՝ իրենց քաղաքական տարաձայնությունները լուծելու նպատակով, բայց այժմ այդ գործընթացը դանդաղ ու երերուն է, սակայն դեռ շարունակվում է: Արեւմտյան երկրները փորձում են Սիրիայում անօրինական զինված խմբավորումների եւ ահաբեկիչների առկայությունն օգտագործել` նախագահ Բաշար Ասադին տապալելու համար»:
«Արևմտյան երկրները միշտ արդարացումներ են գտնում Ռուսաստանին պատժելու իր վարած անկախ քաղաքականության համար, և Ղրիմի թերակղզու հարցը և Ուկրաինայում ներքին հակամարտությունը այդ պատրվակների միայն մի մասն են», - ասել է Լավրովը:
«Արևմտյան երկրներն արդեն փորձում են կասկածի տակ դնել Ռուսաստանում կայանալիք խորհրդարանական ընտրությունների արդյունքները, և այս գործընթացի վրա ազդելու ջանքերը շատ ավելի մեծ են, քան երբևէ», - հավելել է նա:
