Թուրքիան պատրաստ է համագործակցել թալիբների հետ
Թուրքիան պատրաստ է համագործակցել թալիբների Արդարադատության նախարարության հետ: Այս մասին հայտնել է Քաբուլում Թուրքիայի դեսպանը:
Աֆղանստանի արդարադատության նախարարության ղեկավար Աբդոլքարիմ Ալ-Շարիի հետ հանդիպման ժամանակ, Քաբուլում Թուրքիայի դեսպան Ջահադ Արգինայն ասել է.«Անկարան պատրաստ է համագործակցել Աֆղանստանում թալիբների ժամանակավոր կառավարության հետ»:
Արգինայը հավելել է.«Անձնակազմի վերապատրաստման և մասնագետների գործուղման հարցում Թուրքիան կհամագործակցի թալիբների արդարադատության նախարարության հետ»:
Թալիբների արդարադատության նախարարության ղեկավարը շեշտել է, որ թալիբները հավատարիմ կմնան այլ երկրների հետ Աֆղանստանի նախկին համաձայնություններին, պայմանով, որ դրանք չհակասեն «իսլամական շարիաթի» հետ:
Թուրքիան այն դեպքում է պատրաստակմություն հայտնել համագործակցել թալիբների Արդարադատության նախարարության հետ, երբ աշխարհի ոչ մի երկիր պաշտոնապես չի ճանաչել թալիբների ժամանակավոր կառավարությունը:
