Իզմիրում բողոքի ցույցեր են անցկացվել Թուրքիայի տնտեսական իրավիճակի դեմ

Թուրքիայի Իզմիր քաղաքում բանվորները փողոց են դուրս եկել՝ բողոքելու գնաճի և կենսապահովման խնդիրների դեմ։

Բողոքի ցույցին մասնակցած  հազարավոր թուրք բանվորներ վանկարկել են «Չենք կարող ապրել» , «Ազատություն հացին», «Բյուջեն ոչ թե պալատին, այլ թոշակառուներին», «Աշխատավորների արհմիությունը կհաղթի կապիտալիզմին», «Կառավարությունը պետք է հրաժարական տա», «Մենք պահանջում ենք հարդել մարդու իրավունքները»։

Ցուցարարների ընթերցած  հաղորդագրության մեջ  ասված է.«Ի՞նչը կթանկանա վաղը, ինչպե՞ս ապրենք ցածր աշխատավարձով, և ինչպե՞ս անցկացնենք ձմեռը, երբ ամեն օր գործազրկությունն աճում է»։

Վերջին մի քանի ամիսների ընթացքում, Թուրքիայում արժույթի աննախադեպ արժեզրկման և գնաճի պատճառով, նախագահ Ռեջեփ Թայիփ Էրդողանի ժողովրդականությունը կտրուկ անկում է արձանագրել: