Չինացի պաշտոնյան քննադատել է ԱՄՆ-ի և Արևմուտքի երկստանդարտ քաղաքականությունը
Չինաստանի ԱԳՆ խոսնակը քննադատել է «հարձակում» տերմինի օգտագործումը Ուկրաինայում ռուսական գործողությունների համար, հիշեցնելով արևմտյան լրատվամիջոցների կողմից օգտագործվող տերմինները, երբ Արևմուտքը և ԱՄՆ-ը ներխուժեցին այնպիսի երկրներ, ինչպիսիք են Իրաքը և Աֆղանստանը և սպանեցին խաղաղ բնակիչներին:
Չինաստանի արտգործնախարարության խոսնակ Հուա Չունյինգը մամուլի ասուլիսում ասել է, որ Պեկինը ուշադիր հետևում է Ուկրաինայի զարգացումներին և բոլոր կողմերին կոչ է անում զսպվածություն ցուցաբերել ու թույլ չտալ, որ իրավիճակը դուրս գա վերահսկողությունից։
Չինացի պաշտոնյան Ռուսաստանի կողմից Ուկրաինայի դեմ գործողության համար «հարձակում» տերմինի օգտագործումը որակել է որպես կոնկրետ դիտավորության դրսևորում և խոսքն ուղղելով արևմտյան երկրներին ասել է.«Աֆղանստանի և Իրաքի դեմ պատերազմի համար դուք ինչ տերմին էք օգտագործել հարձակո՞ւմ, թե՞ այլ բառ: Ի՞նչ տերմիններ օգտագործեցիք, երբ ձեր հարձակումների ժամանակ սպանվեցին կամ վիրավորվեցին անպաշտպան քաղաքացիական անձինք։ Դուք կարող եք վերադառնալ և նորից քննարկել այս հարցը»:
