ՌԴ ԱԳ նախարարությունը զգուշացրել է Մոսկվա-Վաշինգտոն հարաբերությունների փլուզման կապակյությամբ
ՌԴ ԱԳՆ խոսնակը զգուշացրել է, որ Ռուսաստանի դեմ ԱՄՆ-ի տնտեսական պատերազմը կարող է ամբողջությամբ քանդել երկու երկրների հարաբերությունները։
ՏԱՍՍ գործակալության փոխանցմամբ՝ Մարիա Զախարովան հայտարարել է, որ Միացյալ Նահանգները տնտեսական պատերազմ է հայտարարել Ռուսաստանի դեմ, որը սպառնում է երկկողմ հարաբերություններին, սակայն երկու երկրները դեռ կարող են հավատարիմ մնալ փոխադարձ հարգանքի սկզբունքներին։
Նա հավելել է, որ Վաշինգտոնի անընդունելի քաղաքականությունը զայրույթի հետևանք է, քանի որ ԱՄՆ-ն ձախողել է Ուկրաինան Ռուսաստանի հետ առճակատման կենտրոն դարձնելու և ՌԴ տարածքում հարձակումներ իրականացնելու ծրագիրը:
Զախարովան նշել է. «Վաշինգտոնի գործողությունների հետևանքով ռուսական դիվանագիտական ներկայացուցչությունների գործունեությունը բառացիորեն ոչնչացվում է, քանի որ տեղի են ունենում դիվանագետների փոխադարձ վտարումներ: Ակնհայտ է, որ եթե Վաշինգտոնում և Մոսկվայում դիվանագիտական ներկայացուցչությունները փակվեն, ոչ ոք իրեն ավելի լավ չի զգա, և խնդիրների լուծումն անհնար կլինի»։
