Չիկագոյի բնակիչները ցույց են անցկացրել ի պաշտպանություն պաղեստինցիների
ԱՄՆ-ի Չիկագո քաղաքում հարյուրավոր քաղաքացիներ բողոքի ցույց են անցկացրել և դատապարտել են Իսրայելի ագրեսիան Ալ-Աղսա մզկիթի դեմ: Ցուցարարները համերաշխություն են հայտնել Պաղեստինի ժողովրդին:
Ցուցարարները կրել են Պաղեստինի դրոշը և «Լքիր Երուսաղեմը» կարգախոսով ցուցապաստառներ, կոչ են արել վերջ տալ Երուսաղեմում սիոնիստական օկուպացիային ու պաղեստինցիների դեմ իրականացվող հանցագործություններին։
«Մենք զարմացած ենք, որ լրատվամիջոցներն այդքան կարևորում են իսրայելցի զինվորի մահը, բայց անտեսում են այդքան շատ պաղեստինցիների սպանությունը», - ցույցի ժամանակ ասել է «Հրեաների ձայն հանուն խաղաղության» ասոցիացիայի անդամ Լեսլի Ուիլյամը:
Բռնազավթված Երուսաղեմում և Ալ-Աղսա մզկիթի մոտ պաղեստինցիների և սիոնիստ զինյալների միջև բախումները սկսվել են Ռամազան ամսվա սկզբին և շարունակվում են, ինչի հետևանքով տասնյակ պաղեստինցիներ նահատակվել և վիրավորվել են:
