ՆԱՏՕ-ն դասընթացներ է անցկացնում Ադրբեջանում

Ադրբեջանի պաշտպանության նախարարության եւ ՆԱՏՕ-ի միջեւ 2022 թ. անհատական գործընկերության համագործակցության ծրագրի շրջանակներում ՆԱՏՕ-ի միացյալ ուժերի հրամանատարության շարժական ուսումնական խումբը «ՆԱՏՕ-ում օպերացիայի պլանավորման գործընթացը» թեմայով դասընթաց է անցկացնում Պաշտպանության ազգային համալսարանին կից Ռազմական կառավարման ինստիտուտում:

Այս մասին հայտնում է haqqin.az-ը՝ վկայակոչելով գերատեսչության մամուլի ծառայությունը:

Դասընթացի ընթացքում ընդհանուր տեղեկություններ են ներկայացվում ՆԱՏՕ-ի, կադրային կառուցվածքի եւ տարբեր ուղղություններով կազմակերպության ճեպազրույցների մասին, որոնք կապված են օպերացիաների պլանավորման գործընթացների հետ, գրում է պարբերականը:

news.am