Թուրքիայի խիստ արձագանքը ԵՄ ղեկավարների նիստի որոշմանը
Թուրքիայի ԱԳՆ-ն հայտարարել է. «Ցավալի է, որ ԵՄ գագաթնաժողովում ընդունված որոշումները Թուրքիայի նկատմամբ կողմնակալ, կույր և անիրատեսական վերաբերմունքի դրսևորում են»:
Վերջերս Եվրախորհրդարանն առաջարկել էր դադարեցնել ԵՄ-ին Թուրքիայի անդամակցության գործընթացը: Եվրոպացիներն Անկարայից պահանջում են հրաժարվել Կիպրոսի վերաբերյալ «երկու պետությունների լուծումից»:
Թուրքիայի ԱԳՆ-ն նշել է. «Անկարայի համար անընդունելի են ԵՄ ջանքերն ուղղված օրինականացնելու այն թեզերը որոնք հակասում են Արևելյան Միջերկրականի և Էգեյան ծովի միջազգային իրավունքին»:
Անդրադառնալով նիստում Թուրքիայի վերաբերյալ կայացված որոշումներին, այդ երկրի ԱԳՆ-ն հավելել է. «Նման որոշումները վկայում են այն մասին, որ միությանը հերթական անգամ չի հաջողվել դուսր գալ Թուրքիայի շուրջ ստեղծված արատավոր շրջանակից»:
