Զաքիր Հասանովը ցավակցություն է հայտնել Հուլուսի Աքարին

Ադրբեջանի պաշտպանության նախարար Զաքիր Հասանովը ցավակցություն է հայտնել Թուրքիայի ազգային պաշտպանության նախարար Հուլուսի Աքարին։

Ինչպես հայտնում է Armenia.Az-ը, ցավակցական տեքստում ասվում է.

«Խորապես վշտացած եմ թուրքական փառապանծ բանակի զինվորների զոհվելու և վիրավորվելու լուրով այն տարածաշրջանում, որտեղ իրականացվում են Թուրքիայի Զինված ուժերի հակաահաբեկչական գործողություններ՝ ահաբեկչական սպառնալիքը չեզոքացնելու և խաղաղ բնակիչներին ահաբեկչական հարձակումներից պաշտպանելու նպատակով։ Ձեր ցավը մեր ցավն է:

Մենք միշտ եղբայրական թուրքական զինված ուժերի կողքին ենք՝ ահաբեկչության դեմ կատաղի պայքարում և լիովին աջակցում ենք ձեզ։

Կիսում եմ նահատակների մերձավորների վիշտը և խորին ցավակցությունն եմ հայտնում նրանց ընտանիքներին։ Բոլոր վիրավորներին մաղթում եմ շուտափույթ ապաքինում»։

ARMENIA.AZ