Ադրբեջանում որոշ սոցիալական ցանցերը փակվել են

Ադրբեջանի և Հայաստանի միջև սահմանային լարվածությունից հետո Բաքվի անվտանգության կենտրոնները դադարեցրել են որոշ սոցիալական ցանցերի գործունեությունը։

Ադրբեջանի անվտանգության աղբյուրները հայտարարել են, որ երկրում ժամանակավորապես դադարեցվել է Tik Tok սոցիալական ցանցի աշխատանքը:

Երեկ Ադրբեջանի գլխավոր դատախազը հայտարարություն է տարածել՝ խնդրելով ԶԼՄ-ներին ու սոցիալական ցանցերին տարածել միայն պաշտոնական աղբյուրների լուրերը։

Դատախազությունը հստակեցրել է.«Լրատվամիջոցների ներկայացուցիչներին և սոցիալական ցանցերի օգտատերերին կոչ ենք անում չհրապարակել ոչ պաշտոնական և չճշտված տեղեկատվություն»:

Ավելի վաղ Հայաստանի պաշտպանության նախարարությունը հայտարարություն էր տարածել, որում արգելվել էր հակամարտությունների շրջաններում բախումների և վնասների մասին պատկերների և տեսանյութերի հրապարակումը: