Մարգար Եսայանը Թուրքիայի իշխող կուսակցության ղեկավար կազմում է ընդգրկվել

Թուրքիայում մայիսի 22-ին իշխող «Արդարություն եւ զարգացում» (AKP) կուսակցության արտահերթ համագումարում կուսակցության ղեկավար կազմում լուրջ փոփոխություններ են տեղի ունեցել։

Թուրքական Cumhuriyet-ի փոխանցմամբ՝ AKP-ի ղեկավար կազմը համարվող MKYK-ի կազմում են ընդգրկվել Էրդողանին հաճելի գործիչներ, այդ թվում իր գործունեությամբ նախագահ Էրդողանին իր հավատարմությունը ցույց տված հայ պատգամավոր Մարգար Եսայանը։

Նշենք, որ AKP-ի արտահերթ համագումարում կուսակցության նախագահ է ընտրվել միակ թեկնածու, Տրանսպորտի եւ կապի նախարար Բինալի Յըլդըրըմը, ով առաջիկայում կնշանակվի վարչապետ եւ կկազմավորի նոր կառավարություն։