Թուրքիան զենք է վաճառում Ադրբեջանին
Թուրքիան ականանետեր է ուղարկում Ադրբեջան:
Թուրքիայի Կոնյա նահանգում գտնվող պաշտպանական տեխնիկա արտադրող մի ընկերություն հայտարարել է, որ Ադրբեջանի հետ ունեցած համաձայնության շրջանակներում մի քանի ականանետ է ուղարկել այս երկրի բանակի համար:
AK40-GL ականանետը իվիճակի է 40 միլիմետրանոց արկեր նետել: Այն նաև ի վիճակի է նետել գազի, ձայնային ու ավերիչ ականներ: Այն ներկայումս կիրառվում է Թուրքիայի բանակում:
Ընկերության տնօրեն Սալիմ Աքդաշը հստակեցրել է.«Այս զենքը վաճառվում է միայն բարեկամ երկրներին»:
Հատկանշական է, որ Ղարաբաղյան 44-օրյա պատերազմի ընթացքում Թուրքիայի կողմից Ադրբեջանին ցուցաբերված սպառազինական աջակցությունը քննադատվել է պաշտոնական Երևանի ու հայ հասարակության կողմից: Հայաստանում անցկացված սոցհարցման արդյունքների համաձայն այս երկրի ժողովուրդը Ադրբեջանի փոխարեն Թուրքիային է համարում ՀՀ-ի թիվ մեկ թշնամին:
