Որոշումը բոլորինն է. Պենտագոնը՝ ՆԱՏՕ-ին անդամակցելու Կիեւի դիմումի մասին
ԱՄՆ-ն աջակցում է ՆԱՏՕ-ի «բաց դռների» քաղաքականությանը, սակայն կարծում է, որ դրա ընդլայնման մասին որոշումը պետք է կայացնեն դաշինքի բոլոր երկրները, շաբաթ օրը հայտարարել է ԱՄՆ պաշտպանության նախարար Լլոյդ Օսթինը` մեկնաբանելով Կիեւի՝ ՆԱՏՕ արագացված մուտքի դիմումը, հայտնում է ՏԱՍՍ լրատվական գործակալությունը:
«Մենք հավատարիմ ենք ՆԱՏՕ-ի «բաց դռների» քաղաքականությանն աջակցելուն, սակայն թե ինչպես է դա տեղի ունենում, հարց է, որն իրականում որոշված է այս հարցի շուրջ քվեարկող 30 պետությունների միջեւ: Այս աշխատանքը պետք է առաջիկայում ի կատար ածվի»,- ասել է նա Հավայան կղզիներում իր ավստրալացի գործընկեր Ռիչարդ Մարլզի հետ համատեղ ասուլիսում:
«Բայց հիմա մենք կենտրոնացած ենք այն հարցի վվրա, որպեսզի անենք ամեն բան՝ Ուկրաինային հաղթանակի համար ամեն ինչով ապահովելու համա: Եվ մենք տեսնում ենք, որ ուկրաինական ուժերը իսկապես լավ արդյունքներ են ստեղծում»,- ասել է Օսթինը:
Ուրբաթ օրը Ուկրաինայի նախագահ Վոլոդիմիր Զելենսկին ստորագրել է երկրի՝ ՆԱՏՕ արագացված մուտքի դիմումը, ինչի քննարկման վերաբերյալ լրագրողների հարցին՝ ՆԱՏՕ-ի գլխավոր քարտուղար Յենս Սթոլթենբերգը չի պատասխանել։ ՌԴ Անվտանգության խորհրդի փոխնախագահ Դմիտրի Մեդվեդեւը Կիեւի դիմումը համեմատել է «երրորդ համաշխարհային պատերազմի մեկնարկն արագացնելու» խնդրանքի հետ։
news.am
