Թուրքիայի պաշտպանության նախարարը մեկնել է Բրիտանիա

Թուրքիայի պաշտպանության նախարարը պաշտոնական այցով մեկնել է Բրիտանիա։

Հինգշաբթի օրը թուրքական «National Gazete» թերթի հաղորդմամբ՝ Թուրքիայի պաշտպանության նախարար Հուլուսի Աքարին Բրիտանիա կատարած այցի ժամանակ  ուղեկցում է ռազմական և անվտանգության փորձագետների պատվիրակությունը։

Թուրքիայի պաշտպանության նախարարն իր բրիտանացի գործընկերոջ հետ կքննարկի երկկողմ հարաբերությունների զարգացումը և համագործակցությունը անվտանգության և ռազմական արդյունաբերության ոլորտում և տարածաշրջանային հարցեր։

Հուլուսի Աքարը և նրան ուղեկցող պատվիրակությունը կհանդիպեն նաև բրիտանական ռազմական արդյունաբերության ոլորտում ակտիվ մի շարք ընկերությունների ղեկավարների հետ։

Այս ուղևորությունն իրականացվել է Բրիտանիայի պաշտպանության նախարարի հրավերով և այդ երկրի կողմից Թուրքիայի դեմ սահմանված  զենքի մատակարարման էմբարգոյի  չեղարկումից հետո։