Ամանորյա տոներին ընդառաջ Բրիտանիայում ու Ֆրանսիայում աճում է գործադուլների ալիքը
Ամանորին ընդառաջ գործադուլ են հայտարարել Բրիտանիայի սահմանային վերահսկողության գործակալության և Ֆրանսիայի երկաթուղու աշխատակիցները:
Wall Street Journal-ի փոխանցմամբ՝ արդյունաբերական ոլորտում առկա սուր տարաձայնությունների և գնաճի պատճառով, Բրիտանիայի սահմանային վերահսկողության գործակալության աշխատակիցներն ուրբաթ օրը գործադուլ են հայտարարել: Ֆրանսիայի երկաթուղայինները նույնեպս աշխատավարձերի բարձրացման պահանջով գործադուլ են հայտարարել, որը տևելու է մինչև երկուշաբթի: Գործադուլը կարող է խոչընդոտել նախքան Սուրբծննդյան տոները քաղաքացիների ճամփորդություններին: Ֆրանսիայի ազգային երկաթուղին հայտարարել է, որ յուրաքանչյուր հինգ արագընթաց գնացքներից երկուսի չվերթը չեղարկվել է, ինչի հետևանքով տուժել է ավելի քան 200 հազար ուղևոր:Մյուս կողմից, Բրիտանական բուժքույրերի արհմիությունը հայտարարել է, որ գործադուլ է սկսելու այս տարվա վերջին՝ շարունակվող տնտեսական և քաղաքական ցնցումների պատճառով։Բրիտանիայի փոստի աշխատակիցները, բուժաշխատողները, վարորդ հրահանգիչները և գնացքների վարորդները նույնպես գործադուլ են հայտարարել կամ մտադիր են գործադուլ անել այս շաբաթ: Նրանք հայտարարել են, որ աշխատավարձի բարձրացումը համարժեք չէ 10,7 տոկոս գնաճին:
