Euronews France. Թուրքայի վարչապետն ավելի շատ է ծառայում իր նախագահին
Թուրքիայի նոր վարչապետ Բինալի Յըլդըրըմն ավելի շատ է ծառայում իր նախագահին: Այս մասին ասված է Euronews France-ի տեսանյութում:
Նա ներկայացրեց մի կառավարություն, որը կազմված է նախագահին հավատարիմ եւ երկրում նախագահի իշխանության ավելի շատ կենտրոնացման ձգտող մարդկանցից:
«Ամենամեծ պարտականությունը, որ ունենք եւ որի մասին հայտարարել է կուսակցությունը (իշխող Արդարություն եւ զարգացում կուսակցություն - խմբ.), Սահմանադրության փոփոխությունն է, որպեսզի այն լավագույնս համապատասխանի ընտրված նախագահին եւ նրա ժողովրդին»,- ստանձնելով պաշտոնը՝ հայտարարեց Յըլդըրըմը:
14 տարի իշխանության գլուխ կանգնելուց հետո Էրդողանն անհամբերությամբ սպասում է Թուրքիայում իր ուժն ամրապնդելու հնարավորությանը:
Հրապարակման համաձայն, ընդդիմադիր Ազգայնական շարժում կուսակցությունը, որը նոր առաջնորդ է փնտրում, համագումար հրավիրեց, որպեսզի հնարավորինս մեծացնի ռեժիմի խստացման դեմ պայքարին հասարակական աջակցությունը:
