Անկարայում Շվեդիայի դեսպանը կանչվել է ԱԳՆ
Ի նշան բողոքի Թուրքիայի նախագահ Ռեջեփ Թայիփ Էրդողանի ծաղրանկարի հրապարակման դեմ, հինգշաբթի օրը, Անկարայում Շվեդայի դեսպանը կանչվել է ԱԳՆ:
Ավելի վաղ, թուրքական լրատվամիջոցները հայտնել էին, որ Էրդողանի ծաղրանկարը կախվել է Ստոկհոլմի քաղաքապետարանի շենքի մոտ:
ԻՌՆԱ-ի հաղորդմամբ՝ թուրք պաշտոնյաները հայտարարել են, որ այդ քայլն «ահաբեկչության քարոզչություն է», որն իրականացրել են ՔԲԿ-ի կամ քրդական այլ զինյալ խմբավորումների կողմնակիցները:
Անկարան խստորեն դատապարտել է այդ «զզվելի արարքը» և այդ կապակցությամբ իր բողոքը հայտնել Շվեդիայի դեսպանին։
Թուրքիայում համոզված են, որ այս քայլը հակասում է Շվեդիայի և Ֆինլանդիայի հետ Անկարայի համաձայնությանը, ինչպես նաև քուրդ զինյալների դեմ պայքարելու դիմաց ՆԱՏՕ-ին վերոնշյալ երկու երկրների անդամակցության համար ստանձնած պարտավորությանը:
Շվեդիայի վարչապետ Ուլֆ Քրիստերսոնը հայտարարել է, որ իր երկիրը չի կարող կատարել ՆԱՏՕ-ի անդամ դառնալու Թուրքիայի բոլոր պահանջները։
