Արևմուտքը ձգտում է ՌԴ-ն փոքր մասերի բաժանել. Պուտին
Արևմուտքը մեկ նպատակ ունի՝ մասնատելնախկին ԽՍՀՄ-ն ու ՌԴ-ն, հետո նրանք կարող են Ռուսաստանին ընդունել, այսպես կոչված, քաղաքակիրթ ժողովուրդների ընտանիքում, բայց ամեն մի մասն առանձին։ Այս մասին հայտարարել է Ռուսաստանի նախագահ Վլադիմիր Պուտինը։
«Ինչի՞ համար։ Որ այդ մասերը կառավարեն և իրենց վերահսկողության տակ պահեն», - ասել է Պուտինը Պավել Զարուբինին տված հարցազրույցում «Մոսկվա. Կրեմլ. Պուտին» հաղորդման ժամանակ, որը հեռարձակվում է «Ռոսիա 1» հեռուստաալիքով:
Ինչպես նշել է ՌԴ նախագահը, Ռուսաստանի բաժանման մասին Արևմուտքի ծրագրերը շարադրված են թղթի վրա, բայց Մոսկվան փորձում էր չխոսել այդ մասին: Նա կարծում է, որ եթե Ռուսաստանը գնա այն ճանապարհով, որի մասին երազում է Արևմուտքը, ՌԴ-ի շատ ժողովուրդների ճակատագրերը կարող են արմատապես փոխվել, և ռուս ժողովուրդը, ազգությունըդժվար թե կարողանա պահպանվել։
«Դե, կլինեն ինչ-որ մոսկովիտներ, ուրալցիներ և այլն... Այդ ամենը պլաններում էր, այդ ծրագրերը շարադրված ենթղթի վրա։ Պարզապես մենք հարաբերությունների կառուցման պայմաններում փորձում էինք, գործընկերային նկատառումներից ելնելով, չխոսել այդ մասին։ Բայց այդ ամենը կա, այդ ամենը գրված է, թղթի վրա ամեն ինչ գրված է», - նշել է ՌԴ նախագահը։
Նրա խոսքով՝ ԽՍՀՄ փլուզումից հետո աշխարհը բացառապես իրեն համար ձևով վերափոխելու Արևմուտքի փորձերը այնպիսի իրավիճակի են հասցրել, որ Ռուսաստանը ստիպված է արձագանքել դրան։
Ընդ որում, Պուտինն ընդգծել է, որ Ռուսաստանի ձեռքբերումների ու հաղթանակների կարևորագույն պայմանը ժողովրդի միասնությունն ու համախմբվածությունն է։
«Սա ուղղակի արտահայտություն չէ, մենք բոլորս դրա մասին լավ գիտենք. երբ Ռուսաստանի ժողովուրդը միասնական է, համախմբված, մեզ հավասարը չկա։ Եվ դա մեր բոլոր ձեռքբերումների և մեր բոլոր հաղթանակների կարևորագույն պայմանն է», - ասել է նա։
Պուտինը նշել է, որ Ռուսաստանը պետք է ապահովի իր անվտանգությունն ու ռազմավարական կայունությունը։
Հենց հիմա մեր պատմական սահմաններին մարտ է ընթանում. Պուտինը ելույթ է ունեցել «Լուժնիկիում»
ՌԴ նախագահը նաև հայտարարել է, որ ՆԱՏՕ-ի երկրները, թեև անուղղակիորեն, բայց մեղսակից են Կիևի ռեժիմի հանցագործություններին, որն, այդ թվում, գնդակոծում է Նովոռոսիայի և Դոնեցկի բնակելի թաղամասերը:
armeniasputnik.am
