ՌԴ Դումայի նախագահ. ԱՄՆ-ը Եվրոպային ստիպում է զենք ուղարկել Ուկրաինա
ՌԴ Պետդումայի ղեկավարն ասել է, որ ԱՄՆ-ը ուկրաինական պատերազմի պատրվակով եվրոպական երկրներին ստիպում է զենք ուղարկել այդ երկիր։
ԻՌՆԱ լրատվական գործակալության հաղորդման համաձայն, ՌԴ Պետդումայի ղեկավար Վյաչեսլավ Վոլոդինը հայտարարել է, որ Էստոնիան, Լատվիան, Չեխիան, Լիտվան, Սլովակիան, Բուլղարիան, Մալթան, Նորվեգիան, Ռումինիան և Կիպրոսը եվրոպական երկրներից են, որոնք ԱՄՆ-ի ճնշման տակ են՝ ավելի շատ զենք Ուկրաինա ուղարկելու համար:
ՌԴ Դումայի ղեկավարը նաեւ ասել է, որ Եվրամիության ղեկավարները վնասում են իրենց քաղաքացիներին՝ շարունակելով զենք ուղարկել Ուկրաինա՝ այդ երկրում պատերազմի պատրվակով։
Վյաչեսլավ Վոլոդինը մեղադրել է ԱՄՆ-ին իր արտաքին քաղաքականությունից ելնելով, հանուն իր շահերի, այլ երկրներին չարաշահելու մեջ։
Ուկրաինայում պատերազմն իր բոլոր լայնածավալ քաղաքական, ռազմական, տնտեսական, սոցիալական և նույնիսկ մշակութային հետևանքներով թեւակոխել է երկրորդ տարին, և արևմտյան երկրների կողմից զենքի առաքումն Ուկրաինա շարունակվում է։
Եվրոպական և արևմտյան երկրները, հատկապես ԱՄՆ-ը, ուժեղացնելով Ռուսաստանի Դաշնության դեմ պատժամիջոցների ճնշումը և Կիևին բոլոր տեսակի թեթև ու ծանր զինատեսակներ մատակարարելով, ոչ միայն քայլ չձեռնարկեցին ուկրաինական պատերազմը դադարեցնելու ուղղությամբ, այլ նաև թափ հաղորդեցին այդ երկրում տիրող պատերազմին:
Ռուս պաշտոնյաները և որոշ արևմտյան փորձագետներ ու լրատվամիջոցներ ուկրաինական պատերազմը որակել են որպես միջնորդավորված պատերազմ Արևմուտքի և Ռուսաստանի միջև:
Ռուսաստանը բազմիցս ասել է, որ Ուկրաինա արևմտյան զենք ուղարկելը միայն կերկարաձգի հակամարտությունն այդ երկրում և կունենա անկանխատեսելի հետևանքներ։
